NOVLJANSKE SOPILE

(Stari novljanski instrument)

Sopile poticu od starog evropskog instrumenta «salmaja», tipa oboe, ki je vec va 17 viku

nestal. Taj davni primitivni instrument sacuval se jos va nekim delimi Evrope. Kod nas

se sacuval va Istri, Kastavstini, otoku Krku, i va Vinodolu. Posebno na otoku Krku.

Narod taj instrument va Primorju zove «SOPILE», a va Istri ih zovu «ROZENICE».

Va Hrvatskom Primorju najvise su se odrzale va Novom Vinodolskom. Nekad su

sagdi, pa i va Novom sopile pratile svecane zgode Novljana. Se do konca dvajsetog vika,

sopile su pratile i mladence pred oltar. Ali i va nekim drugim prilikami.

Kad su Novljani hodili va svit, sa sobun su vavik nosili i sopile. Jer su bili sigurni da ce

sagdi pajdasa za sost nac. Va Novom je vavik bilo puno sopac, a malo ki ih je znal nacinit.

Saka je sopila nacinjena od cetiri dela:

-prebiralica

-krilo

-stibrica ( spula )

-pisk

Drveni deli ( prebiralica i krilo) delaju se od drva sestila, masline, javora i dr. Najbolje

sopile su od sestila. Stibrica more bit od raznog drva. Kroz nju se provuce civcica od bakra

ka je na vrhu uza da bi se na nju mogal klast pisak. Pisak je napravljen od trstike. Ton na

sopilami se dobiva otvaranjem i zatvaranjem skuljica, kojih i na veloj i na maloj sopili

ima sest. Sope se vavik va paru. Vela sopila vodi pismu, a mala je vavik prati i cifra

melodiju. Valja napomenut da sopci retko znaju note, oni vecinom sopu po sluhu, ca

znaju pivat, znaju i sost kako su ih ucili njihovi stari.

Iako va zadnje vrime i va Novom ne cvatu rozice jer su stari sopci poumirali, a mladi

nimaju vrimena ni volje, sope se i dalje .

Sost ce se dok je svita i vika.